ხელოვნების სახლის ფასადზე გადმოფენილი ევროკავშირის დროშა მხოლოდ ვიზუალური აქტი არ არის — ეს არის მკაფიო გზავნილი იმ ღირებულებებისა, რომელთაც ეს ქალაქი და მისი მაცხოვრებლები იზიარებენ.

გორი, თავისი მრავალსაუკუნოვანი ციხესიმაგრითა და მდიდარი კულტურული მემკვიდრეობით, ყოველთვის იყო საქართველოსა და ევროპული ცივილიზაციის დამაკავშირებელი ერთ-ერთი მნიშვნელოვანი კვანძი. დღეს, როცა ქალაქის ცენტრში ევროპული სიმბოლიკა იშლება, ეს კიდევ ერთხელ უსვამს ხაზს ჩვენს ბუნებრივ სწრაფვას იმ სივრცისკენ, სადაც თავისუფლება, თანასწორობა და ადამიანის უფლებები უზენაესია.

ევროპა ჩვენთვის არ არის მხოლოდ გეოგრაფიული ერთეული; ეს არის ფასეულობათა სისტემა. სწორედ ხელოვნების სახლი, როგორც კულტურისა და თვითგამოხატვის კერა, საუკეთესო ადგილია იმის შესახსენებლად, რომ ევროპული ინტეგრაცია ნიშნავს:

• მრავალფეროვნების პატივისცემას: სადაც ყველა აზრი და შემოქმედება დაცულია.
• სოლიდარობას: რაც ასე ახლოსაა გორელების მებრძოლ და ერთგულ ხასიათთან.
• განვითარებას: რომელიც ეფუძნება ცოდნასა და თავისუფალ ინიციატივებს.

9 მაისი მშვიდობისა და ერთიანობის სიმბოლოა. გორისთვის, რომელმაც ბევრი გამოწვევა გამოიარა, მშვიდობის ფასი განსაკუთრებით დიდია. ევროპის დღის აღნიშვნა კიდევ ერთხელ შეგვახსენებს, რომ ჩვენი ქალაქი დიდი ევროპული ოჯახის ნაწილია, სადაც განათლებული ახალგაზრდობა, დაცული კულტურა და ძლიერი თვითმმართველობა საერთო მომავლის საფუძველია.

დროშა, რომელიც დღეს ხელოვნების სახლის ფასადზე ფრიალებს, არის იმედის, პროგრესისა და იმ ურყევი არჩევანის სიმბოლო, რომელსაც გორი ყოველდღიურად აკეთებს — წინ, ევროპისკენ!

12 მაისს, გორში, „ჭალისუბნის ფესტივალი“ გაიმართა

სამეზობლო ინიციატივა მიზნად ისახავს მეზობლების დაახლოებას, თემის გაძლიერებასა და საერთო ურბანული სივრცის მიმართ ზრუნვის კულტურის გაძლიერებას.

ფესტივალის ფარგლებში გათვალისწინებულია სამეზობლო აქტივობები, არაფორმალური საუბრები, მუსიკა და საერთო ვახშამი, სადაც მონაწილეები ერთმანეთს უზიარებენ იდეებს, გამოცდილებას და საკუთარი ხედვებს უბნის განვითარებაზე.

,,ფესტივალი ხორციელდება მისიის — „მეტი ვიდრე ქალაქი: ადამიანებზე მორგებული, ინკლუზიური და შემოქმედებითი გორი“ — ფარგლებში, რომლის მიზანია გორის ტრანსფორმაცია უფრო ინკლუზიურ, ადამიანზე ორიენტირებულ და თანამონაწილეობრივ ქალაქად, სადაც მოქალაქეების ხმა და ჩართულობა მნიშვნელოვანია ქალაქის განვითარებისთვის." - აღნიშნავენ ორგანიზატორები.

ფესტივალი ხორციელდება ევროკავშირისა და გაეროს განვითარების პროგრამის (UNDP) მხარდაჭერით, პროგრამის #M4EG ფარგლებში, რომლის მიზანია მოქალაქეების მონაწილეობით უფრო ინკლუზიური, მწვანე და მდგრადი ქალაქების განვითარების ხელშეწყობა საქართველოში. ღონსძიების პარტნიორია GIZ

გორში ტარდება ტური „დეზინფორმაციის დეტექტივები“, რომლის მიზანია საბჭოთა პროპაგანდის მიერ წაშლილი ისტორიების გაცოცხლება და მათი პარალელების ჩვენება თანამედროვეობასთან. იდეა ეკუთვნის ჟურნალისტ ნინო დალაქიშვილს.

ერთ-ერთი ისტორია, რომელიც მორიგი ტურის მთავარი თემა იყო, გორში მცხოვრებ სესილია ხუციშვილის ოჯახს უკავშირდება.

გორელი სტუდენტი, 25 წლის ელიოზ ხუციშვილი, 1918 წლის 8 თებერვალს (ძვ. სტ. 26 იანვარს) თბილისის სახელმწიფო უნივერსიტეტის გახსნას ესწრებოდა.

ელიოზმა შთაბეჭდილებებით სავსე წერილი უფროს ძმას გაუგზავნა, სადაც დეტალურად აღწერს, რა ხდებოდა აუდიტორიაში და მის გარშემო. ისტორიული წერილის ასლს გორში მცხოვრები სესილია ხუციშვილი ინახავს, რომელიც ელიოზის ძმისშვილია.

სესილია ხუციშვილი გორელ ახალგაზრდებს ბიძის წერილის შინაარსს აცნობს.

https://www.facebook.com/share/v/1EeZN2vdzd/

https://www.facebook.com/share/v/1L3H6eYEdy/

ნიუ - იორკის საჭიდაო სკოლის მწვრთნელის, ვალენტინ კალიკას ცნობით, გორის კემპში ვარჯიშებს ჩაატარებენ ოლიმპიური ჩემპიონი ვლადიმირ ხინჩეგაშვილი და მსოფლიოს ჩემპიონი ავთანდილ კენჭაძე.

ამერიკელი მოჭიდავეების შეკრებას ასევე შეუერთდებიან:

ოლიმპიური ჩემპიონი გენო პეტრიაშვილი, მისი ძმა — ახალგაზრდული მსოფლიოს ჩემპიონი კონსტანტინე პეტრიაშვილი, ასევე საქართველოსა და სხვა ქვეყნების წამყვანი მოჭიდავეები და მწვრთნელები.

კემპი გორში მოეწყობა: 22 ივნისი – 1 ივლისი

ორგანიზატორები აცხადებენ, რომ რეგისტრაცია უკვე დაწყებულია და ადგილები სწრაფად ივსება.